Txabolaren proiektua bukatuta, hurrengoarekin hasteko garaia da. Pasadan asteazkenean, gure egurrezko etxearen entrega egin ostean hiru aste barru aurkeztu beharko dugun proiektuaren azalpena eman ziguten.20m^2 dituen logela laukizuzen bat egin beharra daukagu. Logelak komuna, ohea, armairu eta apalategia eduki behar ditu gutxienez. Hala ere, beharrezkoa da ikasle batentzako lan egiteko lekua egitea eta ahal izanez gero lotako eta deskantsu lekutik banatzea. Beste arau batzuk ere jarri dizkigute vaina orain ez ditut guztiak aipatuko. Logelaren diseinua nola izan beahr den pentsatzen hasi naiz, nahiz eta oraingo asteazkenerako beste lan bat eduki. Gure logela deskribatu beharra daukagu; hau da, logela zer den guretzat eta nolakoa den. Gainera, bi argazki atera behar dizkiogu. Besterik barik, logelaren nire iritzia esango dizuet.
Niretzat, logela leku intimo bat da, nirea. Nik nahi izan dudan bezala antolatua eta gustoko ditudan gauzekin apaindua. Logela ordu asko pasatu beharko dudan lekua denez, niretzako erosoa izatea da garrantzitsua. Bertan lotarako lekua, lanak egiteko mahaia, apalategia (irakurritako liburuekin eta gustoko ditudan liburu eta aldizkariekin) eta deskantsatzeko edo irakurtzeko gunea biltzen ditu. Baita, arropak eta veste gauza asko gordetzeko armairuak. Atetik sartu eta berehala ikusten da lau zonaldeen banaketa. Logelako hiru kolore garrantzitsuenak (morea, urdina eta laranja) gehien gustatzen zaidan koloreen konbinazioa dira eta horiekin eta zuriarekin dago osatuta nire logelako altzairuen koloreen konbinazioa.
Lehendabizi ohea dago atetik sartu eta ezkerraldean. Ohea horma biri pegatuta dago espazio gutxiago okupatzeko. Nahiko ohe altua da eta horrek ohearen behekaldea aprobetxatzea dakar. Ohea gune sakratua da niratzat. Gauean, lotara joan aurretik ohean etzan eta liburua irakurtzea gustatzen zait. Une hori eguneko lasaigarria izaten eta lo errazago hartzera laguntzen dit. Ohearen azpian, 13 kajoi daude eta bertan ditut nire gauza ugari. Kajoi hauek oso erabilgarriak dira aulkian eserita zaudenean zure alturan gelditzen baitira.
Bigarren zonaldea mahaiak eta aulkiak osatuko lukete. Gune hau normalean lan egiteko erabili izan dut baina oraingo urteko lanak dimentsio handiagoan (DIN A2) egin beharra daukagu eta ez zaizkit bertan sartzen. Hortaz, egongelako mahaian egin behar izan ditut plano, bista eta prespektibak eta logelako mahaia ordenagailuarentzat usten dut. Mahai aurrean aulki birakari bat daukat, oso erosoa eta polita, nire ustez. Gune hau ikasteko eta lan egiteko lekua izan arren, oso oroitzapen onak dauzkat.
Hirugarren lekua aurrekoarekin oso lotuta dago. Apalategiak dira eta bertan gordentzet ditut eskolan irakurri izan ditugun liburuak, niri gehien gustatu zaizkidan liburuak, aldizkari gustokoak, oporretatik ekarri izan ditudan oroigarriak, familiako argazkiak eta bizikletan lortu izan ditudan garaikurrak. Apalategiak nire gustura sakabanatuta daude eta bakoitza nire gustoen arabera banatuta dago. Ateratako bi argazkietan ez dira apalategi guztiak agertzen. Soilik liburuen zatia agertzen da. Beheko apalean nire gustoko liburuak daude eta goian eskolan irakurri izan ditugunak. Eskubirago dauden apalategietako gauzak pertsonalagoak dira, han baitaude nire zaletasunak, garaikurrak, aldizkari gustokoak...
Eta azkenik, irakurtzeko lekua daukat. Naiz eta orain bertako objetu garrantzitsuena ez egon. Objetu hori puff zuri bat da eta orain Donostiako erresidantzian daukat sofá bezala. Bertan eserita, arratsaldean lehiotik eguzkia sartzean da eta liburuak irakurtzeko, lo kuluxka egiteko edo ordenagailuan eguzkiaren argitan ibiltzeko leku aproposa da. Oso lasaigarria da arratsaldean bertan eseri eta leihotik eguzkia sartzen den bitarten zerbait irakurtzen egotea argi naturala aprobetxatuz.
Besterik barik, nire proiektuan nire logelatik gustoko ditudan gauzak jarriko. Komuna sartu beharra daukat logela barruan eta nire lehen usteak dio espazioak sakabanatzeko gune bezala erabiliko dudala. Gauza gehiago datorren astean.
Laster arte.
